Deeptalk交友🗣️

Service Description

平時同朋友、另一半、屋企人，有啲嘢總係講唔出口？怕被 judge、怕佢哋擔心…但對住陌生人，反而更容易敞開心扉。因為冇 pre-assumption，反正都係一面之緣，講完，冇包袱，仲可能搵到共鳴。 【10月Deeptalk｜人生意義】 人生意義，唔係一個答案，而係一場對話。我哋喺WhatsApp group投票，最多人想探討嘅主題就係呢個。所以10月，我哋設計咗四場Deeptalk，每場探討一個板塊，循序漸進，月尾完結時，希望你帶走一啲insights，同一班同行者🫶🏽✨ 1️⃣ 真係需要有夢想？（7/10 Wed 8-10pm, 10-11pm 自由傾計） 你有冇諗過——夢想係咩？有人好清楚自己鍾意咩，有人完全冇頭緒，有人覺得「夢想」呢個詞太沉重。今晚，我哋唔會逼你搵返啲咩初心，亦唔會話你「一定有夢想」。我哋只係一齊傾吓：夢想係咩？點解社會咁強調夢想？冇夢想又可以點？無論你有冇夢想，都可以嚟傾下～ 2️⃣ 我哋係咪真係咁怕失敗？（14/10 Wed 8-10/11pm) 香港人，我哋好似好怕失敗。怕畀人笑，怕自己唔夠好，怕承認自己軟弱。但係，邊個話一定要做超人？我哋都會犯錯，都會有唔得嘅時候。只係喺呢個城市，我哋好避忌講呢啲，好似一講就輸咗。焦慮、自責、收埋自己……今晚，我哋試吓唔再扮堅強，一齊面對真實嘅自己，講吓失敗、恐懼、同埋嗰啲唔想畀人見到嘅軟弱。 3️⃣ 快樂真係咁難？（20/10 Tue 8-10/11pm） 快樂？講就容易。但喺香港，快樂好似好難。要滿足好多條件先快樂到？要有錢、有時間、有成就？定係，我哋已經唔記得咗快樂係咩？你覺得自己而家嘅狀態點？今晚，我哋一齊拆解「快樂」呢個詞——佢係咩？點解咁難？係咪真係要達成某啲嘢先可以快樂？ 4️⃣ 選擇！（28/10 Wed 8-10/11pm） 人生充滿選擇，有啲好大，有啲好細。我哋成日怕揀錯，但其實冇絕對嘅對與錯。今晚我哋用即興喜劇嘅角度，一齊玩吓「選擇」呢件事。唔使怕錯，因為即興嘅精髓就係：Yes, and… 💰費用：$150/位（包冇酒精飲品及小食） $180/位（包酒及小食） $600/4場（包酒及小食） 🏡 荃灣西W Mega（近如心廣場/荃灣西D出口）